Pakoja e dytë e masave kundër krizës, nis pagesa e ndihmës për kategoritë e rrezikuara

Fillon pagesa e ndihmës financiare për kategoritë e rrezikuara të qytetarëve, për të cilat parashihen nga pakoja e dytë e masave kundër krizës që zbaton Qeveria. Mbështetja financiare për pensionistët tashmë fillon me pagesën e pensionit për muajin dhjetor.

Pensionistët me pensione më të ulëta, deri në 11.525 denarë, marrin 1.500 denarë në muaj për një periudhë prej katër muajsh, ndërsa pensionistët me pensione prej 11.526 denarë deri në 14.000 denarë marrin ndihmë prej 750 denarë në muaj, për një periudhë prej katër muajsh.

“Ndihma financiare do të paguhet nga e hëna për përfituesit e të drejtës së sigurimeve sociale për të moshuarit, përfituesit e një kompensimi të veçantë, të drejtën e kompensimit për shkak të aftësisë së kufizuar, kompensimin e aftësisë së kufizuar dhe ndryshimet e përhershme në gjendjen  shëndetësore, të cilët përdorin kompensim për ndihmë dhe përkujdesje nga një person tjetër, dhe nuk përdorin të drejtën e kompensimit për shkak të aftësisë së kufizuar, si dhe prindër të vetëm që marrin asistencë minimale të garantuar. Të mërkurën do të paguhet ndihma financiare për personat e papunë – përfitues të së drejtës për sigurim material në formë të kompensimit në të holla, nga Agjencia për Punësim” – tha Sanella Shkrijel nga LSDM.