Transportuesit vazhdojnë protestat, Bytiqi: Qeveria e angazhuar për zgjidhje

Transportuesit privatë vazhdojnë protestën, duke mbajtur të bllokuar bulevardin “Ilinden” rreth qytetit të Shkupit. Kjo pasi kërkesës së tyre për takim nuk i është përgjigjur kryetarja e Qytetit të Shkupit, Danella Arsovska. Transportuesit kanë kërkuar takim edhe me kryeministrin Dimitar Kovaçevski dhe shpresojnë se ky i fundit për dallim nga Arsovska do të gjej kohë për të dëgjuar hallin e tyre. Qeveria po bën gjithçka për të zgjidhur këtë problem që është në kopetencë të pushtetit lokal thot zëvendës Kryemisnitri Fatmir Bytiqi. 

 

“Transporti privat është nën ingerencat e Qytetit të Shkupit sipas ligjit. Ne jemi duke bërë gjithcka në këtë drejtim. Qyteti i Shkupit ka financa të mjaftueshmë për të përmbushur nevojat e qytetarëve. Nga Qyteti I Shkupit duhet të ulen në bisedime me transportuesit privat, që ta zgjidhet ky problem, nëse një gjë e till nuk është e mundur, ne jemi këtu në sherbim të qytetarëve për ta zhgjidhur këtë problem,  dhe cila do të jetë mënyra e zgjidhjes do të shohim, a do tia marrim ingerencat kryetares që Qytetit të Shkupit apo do të bëjmë dicka tjetër, do shohim.”, tha Zv/kryemisnitri Fatmir Bytyqi.

 

 

Kreu i ASH-së Arben Taravari, ka bështetur transportuesit privat, ndërsa e quan jo korrekte sjellja e kryetares së qytetit të Shkupit, Daniella Arsovska, të cilës siç tha ai duhet ti merren kompetencat.

 

“Kanë të drejtë dhe kërkesën që e bëjnë transportuesit privat, eventualisht ti merren ingerencat dhe Qeveria të merret me këtë punë mëtutje…Ne jemi distancuar prej Arsovskes prej qershorit, nuk kemi asnje komunikim dhe ju e dini se ajo bashkpunon aktualisht me BDI-në, eshte ne kualicion me BDI-në në qytetin e Shkupit, kemi gabuar dhe ndjejë njëfar përgjegjësie sepse nuk e kemi njohur njeriun.”, tha kryetari i Aleancës për Shqiptarët, Arben Taravari.

 

Ndryshe protestuesit nuk përjashtojnë radikalizimin e protestave, por pa mos saktësuar se për çfarë hapa konkret bëhet fjalë.