Botë
Armët e rënda të Rusisë do të largohen nga centrali më i madh bërthamor i Europës
13.12.2022 13:30
Është arritur një marrëveshje për të larguar armët e rënda nga centrali bërthamor i Zaporizhzhia-s...
Është arritur një marrëveshje për të larguar armët e rënda nga centrali bërthamor i Zaporizhzhia-s. Lajmin e ka bërë të ditur presidenti i Francës, Emmanuel Macron. Sipas tij, bisedimet po vijojnë për të gjetur një mënyrë për t’i lëvizur armët nga impianti.
“Ne ia dolëm që ta mbronim Chornobyl-in dhe qëllimi ynë që të mbrojmë edhe Zaporizhzhia-n. Javët në vijim do të jenë kritike,” shtoi ai.
Presidenti francez është duke pritur aktualisht një konferencë ndërkombëtare në Paris, qëllimi i së cilës është që të sigurojë ndihmë për Ukrainën gjatë temperaturave të ulëta të dimrit.
Centrali bërthamor ka qenë në duart e Rusisë që nga marsi dhe aty po mbahen armë dhe trupa.