Edhe këtë mëngjes paralajmërime për bomba në disa shkolla në Shkup dhe Kumanovë

Disa shkolla në Shkup dhe Kumanovë kanë raportuar sot në mëngjes në Ministrinë e Punëve të Brendshme se kanë marrë njoftime për vendosjen e  bombave.

 

Kërcënime për bomba, përveç shkollave të mesme, sot kanë marrë edhe disa shkolla fillore në Çair.  

 

“Sot në mëngjes kemi aplikime nga shkollat e Shkupit. Më vonë do të publikojmë informacione më të detajuara”, njoftuan shkurt nga  MPB.

 

Policia ka evakuuar  nxënësit dhe mësuesit dhe po bëhen kontrolle të hollësishme në të gjitha ambientet  e shkollave që kanë  marrë e-mail për bombë.

 

Dje janë dërguar kërcënime me bombë në e-mail adresat e 15 shkollave në Shkup dhe MPB-ja pas kontrolleve ka konstatuar se bëhet fjalë për paralajmërime  të rreme.