Libri i historisë për klasat e 5-ta. Harta e relievit të RMV-së, të dhëna të pasakta

Të dhëna të pasakta gjeografike janë regjistruar në librin e ri të historisë dhe shoqërisë për klasat e pesta të  shkollave fillore. 

 

Sipas autorëve, pika më e lartë në Tokë, mali Everest është 20.000 metra, megjithëse shifra aktuale është 8.849 metra.

 

Gabimi i dytë i rëndë në tekst është në mësim se me kë kufizohet Republika e Maqedonisë së Veriut. Sipas autorëve, vendi kufizohet me Bullgarinë në perëndim dhe me Shqipërinë në lindje.

 

Nga ministria e Arsimit kanë njoftuar se janë thirrur në takim autorët e tekstit të kontestuar, i cili shkaktoi stuhi reagimesh në opinion.

 

Mbetet  akoma e  paqartë se si autorët kanë marrë leje për të shtypur këtë përmbajtje, për të cilën nxënësit e shkollave fillore kanë pritur një kohë të gjatë për t'u përkthyer në libër shkollor, ndërkohë që gjatë gjithë këtij  gjysmëvjetori për shkak të mungesës së librit, nxënësit kanë mësuar nga materiale të improvizuara.