Taravari: ASh kundërshton emrimin e Dimovskit ambasador

Aleanca për Shqiptarët është kundër propozimit të Qeverisë që Viktor Dimovski, të jetë Ambasador në Franc. Taravari kërkon nga presidenti i vendit Stevo Pendarovski, që i njejti të refuzon dekretimin e Dimovskit, ndërsa do kërkojë edhe nga Franca që të njejtin të mos e pranoj si ambassador, siç ndodhi me Teuta Arifin që nuk ishte e dëshiruar për BE dhe Fërckovski për ShBA-në thot kryetar i ASh-së Arben Taravari. 

 

Sipas Taravarit, Dimovski duhet të përgjigjet për nënështetësin e dhënë oligarkut rus, ku mbi 20 mijë qytetar janë në pritje për nënështetsi ndërsa ky i fundit i mbante në sirtaret e institucionit që drejtonte.

 

“Vlerësoj se Viktor Dimovski është kandidat i papërshtatshëm dhe i padenjë për të ushtruar funksione diplomatike dhe përfaqësuar vendin. Dimovski ka shkelur të drejtat themelore të më shumë se 20.000 qytetarëve të këtij vendi, të cilëve u është mohuar në mënyrë arbitrare shtetësia e Maqedonisë së Veriut nga Agjencia e Sigurisë Nacionale. E para, kërkoj nga Ministria e Punëve të Brendshme që të publikojë menjëherë raportin e hetimit në lidhje me përgjegjësinë e Agjencisë së Sigurisë Nacionale në skandalin Onishçenko. E dyta, kërkoj nga Presidenti Pendarovski që të refuzojë dekretimin e Dimovskit për arsyet që sapo dhash. Dhe e treta, nëse megjithatë Dimovski dekretohet, inkurajojmë miqtë tonë francez që të mos e pranojnë të njëjtin si ambasador në Paris.”, tha u.d.kryetari i ASh-së, Arben Taravari.

 

Taravari njëherit përsëriti qëndrimin se ASh do ti përkrahë ndryshimet kushtetute me apo pa ASh-në në qeveri, ndrësa partia aktualisht është e fokusuar në kongresin e sajë që pritet të mbahet në 24 dhjetor në Tetovë.