Librat e historisë dhe shoqërisë do të tërhiqen, raporti siguron përgjegjësinë për gabimet

Shoqata e Historianëve të Maqedonisë reagon për një sërë lëshimesh në kuptimin përmbajtjesor dhe konceptual, në tekstin e historisë dhe shoqërisë për klasën e pestë.

Është e palejueshme në shekullin e 21 që nxënësit të marrin njohuritë e para,  në fushën e historisë, nga një tekst shkollor i mbushur me informacione të gabuara dhe konstatime të pabaza, thonë historianët.

“Detyrë abstrakte që u jepet nxënësve  të mësojnë se cilat janë emrat arkaik të muajve dhe pse janë emëruar edhe pse nuk e dinë çka do të  thonë në aspektin historik, termi Maqedonia i cili absolutisht në asnjë fjali nuk është përmendur, ndërsa pretendohet që nxënësit të mësojnë për shtetin dhe të kaluarën e shtetit.”, - u shpreh Mitko Janev nga Shoqata e historianëve.

Të gjitha implikimet janë pasojë e konceptit për arsim fillor i cili u miratua shpejtë, thonë historianët pa konsultim paraprak me fellën akademike.

Kryeministri Kovaçevski nuk do të kërkojë përgjegjësi nga Ministri i Arsimit sepse ai nuk e ka përpiluar librin. Ai konsideron se autorët dhe recensuesit duhet të jenë më të kujdesshëm.

“Ministri i Arsimit nuk i shkruan librat, ato i shkruajnë autorët, ndërsa recensionin e bëjnë recensuesit dhe konsideroj se autorët duhet të shkruajnë me kujdes, e njëjta vlen edhe për recensuesit gjatë recensionit të jenë të kujdesshëm.”, - deklaroi kryeministri, Dimitar Kovaçevski.

Libri i historisë do të tërhiqet dhe në rrjedhë e sipër është përpilimi i  raportit i cili duhet të përcaktojë se e kujt është përgjegjësia për gabimet. (Flutura Latifi, TVM2)