Escobar: Partitë nacionaliste janë më të korruptuarat

Në një intervistë në Këshillin Atlantik, Escobar  potencon gjithsesi  se problemi më i madh në rajon është korrupsioni, për të cilin fajtori më i madh janë partitë nacionaliste, të cilat sipas tij,  janë më të korruptuara. 

 

“Korrupsioni është problemi më i madh për rajonin. Nacionalizmi dhe rivalizmi etnik është vetëm një maskë për të mbuluar Korrupsionin”, potencon Escobar. 

 

Ai thotë ndër të tjera se Maqedonia e Veriut është shembull se si duhet të përballesh me të gjitha sfidat në rrugëtimin drejt BE-së, duke iu referuar vetos bullgare dhe kërkesave për ndryshimin e Kushtetutës. 

 

“Në një rajon me sfida, marrëdhënie dhe qeverisje shumë etnike, Maqedonia e Veriut shquhet si një shembull shumë i mirë se si një shtet multietnik mund të funksionojë. Ajo është shembull edhe  për shtetet e tjera që përballen me të njëjtat çështje”, thotë Escobar.