Izrael, Netanjahu formon koalicionin e ri qeverisës

Benjamin Netanjahu njoftoi të mërkurën në mbrëmje se ka arritur të formojë me sukses një koalicion të ri për të qeverisur Izraelin.

 

Njoftimi i hap rrugë kthimit të tij në pushtet, në cilësinë e kreut të qeverisë më të djathtë në historinë e vendit. Njoftimi pak përpara përfundimit të afatit, që skadonte në mesnatë, vjen pas disa javësh negociata të vështira me aleatët e tij. Netanjahu do të kryesojë një koalicion të dominuar nga partnerë të ekstremit të djathtë dhe ultra-ortodoksë, që mund të izolojnë një pjesë të madhe të publikut izraelit, të ndezin konfliktin me palestinezët, si dhe ta fusin Izraelin në një kurs përplasjeje me aleatët e tij më të afërt.