Paris, tre të vrarë dhe disa të plagosur nga të shtënat

Tre persona u vranë dhe katër të tjerë u plagosën nga të shtënat në qendër të Parisit, bëjnë të ditur autoritetet franceze.

 

Numrin e të vdekurve e ka konfirmuar prokuroria e Parisit. Mediet ndërkombëtare njoftojnë se i dyshuari, një 69 vjeçar, është arrestuar. Ai ishte i njohur për autoritetet franceze dhe kishte sulmuar një kamp emigrantësh një vit më parë. Motivet e personit të armatosur mbeten të paqarta. Incidenti ndodhi në një qendër lokale kurde, u tha gazetarëve kryebashkiaku i qarkut të 10-të të qytetit.

 

Dëshmitarët thanë se kishin dëgjuar shtatë ose tetë breshëri të shtënash.