Aleanca për Shqiptarët zgjodhi Arben Taravarin kryetar partie

Aleanca  për Shqiptarët  në Kongresin e 3-të të jashtzakonshëm në Tetovë zgjodhi Arben Taravarin kryetar partie. 

 

Me marrjen e udheheqësisë nga ana e tij, Taravari tha se është i vendosur maksimalisht për të bërë ndryshimin te partitë politke shqiptare në Maqedoninë e Veriut. Të jesh pasardhës i Ziadin Selës është lumturi e madhe, tha Taravari.

 

“Gati se 50% do të jenë njerëz të rinj. Tash do të kemi edhe kabinetin e kryetarit, një organ që do të jetë këshilldhënës i kryetarit të partisë... Ziadin Sela  kryetar i ardhshëm i kuvendit qendror të Alencës. Natyrisht e kemi adaptuar komplet statutin e  partisë për funkionalitet më të mirë të partisë”, u shpreh kryetari i ASH-së, Arben Taravari.

 

 

Kryetari i sapozgjedhur i Aleancës  u sqarua edhe për zërat e hyrjes së partisë së tij në ekzekutiv. Theksoi se për momentin  nuk kanë marrë asnjë ofertë konkrete, por nëse evntualisht  kanë  ofertë, paralajmëroi mbajtjen e një   referendumit brendapartiak. 

 

“Për momentin nuk kemi ndonjë ofertë  konkrete. Në qoftë se kemi them këtë duhet ta diskutojmë në organet e partisë, nuk dua të sillem si njeri që vendos vet. Prandaj vazhdoj të insistoj që të zgjedhim kryesinë e partisë me qëllim që ta disperzojmë përgjegjësinë. Edhe nëse sjellim një vendim të tillë do të organizojë referendum brendapartiak me ofertën të cilën do ta marrim, më qoftë se e marrim”, theksoi Taravari.

 

Ish lideri i ASH-së, Ziadin Sela  në fjalimi e sotëm të kogresit të partisë,  tha se Aleanca është e të gjithë shqiptarëve dhe pronë e askujt por se Taravari është ai që më së miri e vazhdon rrugëtimin e partisë.