Cikloni “Bombë” në ShBA, 37 viktima, shumica të ngrira në makina e rrugë

Rreshjet e dendura të borës me dukshmëri zero dhe stuhitë, i bënë rrugët të pakalueshme, ngrinë nënstacionet e energjisë elektrike dhe lanë të paktën 17 persona të vdekur në Nju Jork që nga mbrëmja e së dielës. Shumica e viktimave u gjetën të vdekur në makina dhe anash rrugëve. Shumë banorë kanë mbetur në shtëpitë e tyre në të ftohtin e acartë pa energji elektrike në 56 orët e fundit. Përveç vdekjeve në Nju-Jork, u regjistruan 9 vdekje në Ohio, nga 3 në Kansas dhe Kentaki, 2 në  Kolorado, nga një në Misuri, Visconsin dhe Tenesi. Paralajmërimet për stuhitë dimërore mbeten në fuqi në shumë shtete.