Lufta në Ukrainë, Zelensky: Rusia po planifikon seri sulmesh me dronë

Ushtria ruse vazhdon sulmet mbi objektivat kryesisht civile në Ukrainë, njoftoi ushtria ukrainase. Ky njoftim erdhi një ditë pasi ushtria ruse pranoi humbje të mëdha në një nga sulmet më vdekjeprurëse të Kievit që nga fillimi i luftës 10 muaj më parë.

Presidenti ukrainas Volodymyr Zelensky, tha se Rusia planifikon seri të zgjatura sulmesh me dronet Shahed-136 të prodhuar në Iran.

Sipas Zelenskyt, detyra kryesore e Ukrainës është të sigurojë dështimin e planeve ruse.

“Ne kemi informacione se Rusia po planifikon një sulm të zgjatur me Shaheds. Basti i tij mund të jetë në rraskapitje. Për rraskapitjen e njerëzve tanë, mbrojtjen tonë ajrore, sektorin tonë të energjisë. Ky numër mund të rritet në të ardhmen e afërt, sepse këto javë netët mund të jenë mjaft të shqetësuara. Tani është koha kur të gjithë të përfshirë në mbrojtjen e qiellit duhet të jenë veçanërisht të vëmendshëm.”, - deklaroi presidenti i Ukrainës, Volodymyr Zelensky.

Volodymyr Zelenskyy ka konfirmuar gjithashtu mbajtjen e një samiti mes Ukrainës dhe Bashkimit Evropian në Kiev.

Zelensky diskutoi detajet e takimit të nivelit të lartë me Presidenten e Komisionit Evropian Ursula von der Leyen në telefonatën mes tyre. Udhëheqësit kanë biseduar për furnizimin e armëve “të përshtatshme” dhe një program të ri ndihmë financiare prej 18 miliardë eurosh për Ukrainën. Zelensky gjithashtu ka kërkuar që kësti i parë të dërgohet këtë muaj.

Nëntorin e kaluar, BE-ja nisi Misionin e Ndihmës Ushtarake të Bashkimit Evropian në mbështetje të Ukrainës për të vazhduar mbështetjen kundër luftës së vazhdueshme ruse. (Farije Dauti Bakiu, TVM2)