Izrael, protestat kundër qeverisë së Netanyahut

“Gjyshërit e mi erdhën në Izrael dhe ndërtuan diçka të mrekullueshme, ne nuk duam ta humbim atë, nuk duam të kemi frikë se demokracia jonë po zhduket dhe se Gjykata e Lartë do të shkatërrohet. Ne duam një qeveri që do të kontrollohet, jo një qeveri e pakontrolluar.”, tha një protestues.

 

“Kjo qeveri sjell ekstremistët në pushtet. Mund të shohim shumë ligje që miratohen kundër komunitetit LGBT, kundër palestinezëve, kundër pakicave më të mëdha. Ne duam të themi me zë të lartë dhe qartë se si arabët ashtu edhe hebrenjtë dhe komunitetet e tjera kërkojnë paqe, barazi dhe drejtësi për të gjithë, sepse kjo është shtëpia jonë e përbashkët.”, tha Rula Daoud nga lëvizja "Qëndroni së bashku".

 

Pas një fitoreje zgjedhore më 1 nëntor, Netanyahu arriti të formonte një kabinet muajin e kaluar me partitë hebreje të ekstremit të djathtë dhe ultra-ortodoksë. Megjithatë, siç raportohet nga mediat, përfshihet edhe një politikan që vetë pranoi se i shmangej pagimit të taksave, një tjetër që mbante portretin e një njeriu që masakroi besimtarët palestinezë në shtëpinë e tij dhe 73-vjeçari Netanyahu është gjithashtu në gjyq për korrupsion.

 

“Kemi frikë se vendi ynë do të humbasë demokracinë dhe se do të shkojmë në një diktaturë vetëm sepse Netanyahu dëshiron të heqë qafe procesin ligjor kundër tij. Është e trishtueshme dhe egoiste”, tha Dani Simon, pjesëmarrës në protestë.

 

Ultranacionalistët fituan disa pozicione në kabinetin e Netanyahut. Pjesëmarrësit në protestë kanë frikë se qeveria do të udhëheqë politika për zgjerimin e vendbanimeve në Bregun Perëndimor të pushtuar, por edhe për të dobësuar pushtetin e gjyqësorit, duke i mundësuar shumicës në parlament të rrëzojë vendimet e Gjykatës së Lartë. Protesta u drejtua nga shoqatat e krahut të majtë dhe përfaqësuesit arabë në Knesset.