Xhaferi koordinohet për seancën e parë plenare, sot seanca të dy komisioneve

Deputetët prej sot kthehen në punë. Fillimisht në Kuvend mbahet  koordinimi i rregullt i kryeparlamentarit me koordinatorët e grupeve parlamentare.

Për sot janë caktuar  edhe seancat e  dy komisioneve kuvendore, ajo e Këshillit Kombëtar për Eurointegrime ku do të shpalosen prioritetet e Presidencës suedeze me Këshillin e Bashkimit Evropian dhe mbledhja e Komisionit për Mbrojtje dhe Siguri.

Nesër duhet të mbahet seanca e parë plenare këtë vit.

Në rendin e propozuar të seancës së 99,  janë 15 pika, kryesisht ligje në lexim të parë dhe të dytë.

Vitin e kaluar, Kuvendi arrit të mbajë vetëm  39 seanca të reja, në të cilat  janë miratuar 290 pika në rendin e ditës, prej të cilave 190 janë të shqyrtuara, ndërsa 100 mbetën të pashqyrtuara.