Oranzherët kërkojnë subvencione më të larta nga shteti

Nuk ka oranzheri të përmbytura, por ka serra të përmbytura për të cilat së shpejti do të bëhen llogaritjet rreth dëmeve, theksuan nga Oda Ekonomike e Maqedonisë pas shirave të rrëmbyeshëm që e kaploi vikendin e kaluar Maqedoninë Juglindore. 

 

“Nga informacionet që kemi ne, nuk ka dëme nga vërshimet e fundit në oranzheritë në rajonin e Shtipit dhe Vinicës, por ka serra të vërshuara, posaçërisht në rajonin e Cashinovës dhe Obleshevës. Presim që Ministria e Bujqësisë të del me numër konkret të sipërfaqeve të përmbytura, pas çka do të bëjmë vlerësimin e dëmeve në këtë sektor” – deklaroi Vasko Ristovski nga Oda Ekonomike e Maqedonisë, përgjegjës për sektorin bujqësor.

 

Ristovski, më tej njoftoi rreth kërkesave të oranzherëve drejtuar Qeverisë së Maqedonisë, me çka miratimi i tyre do të mundësojë prodhimtari më konkurruese dhe eksportin e kulturave të hershme.

 

Oranzherët kërkojnë zgjidhje të problemeve të tyre, probleme me të cilat ballafaqohen me vite dhe ishin shkak në zvogëlimin e sipërfaqes së oranzherive prej 250 hektarë në 170 hektarë. 

 

“Kryesisht kërkohet zgjidhja e statusit të objekteve dhe pronësia e tokës, gjë që pengon në zhvillimin investiv, zgjidhjen e problemit të çmimeve të larta të naftës dhe ujërave gjeotermale, duke e bërë prodhimin e shtrenjtë si rritje të subvencioneve, pasi që në këto prodhime rritje ka me një intensitet më të vogël”- tha Ristovski.

 

Ristovski tha se oranzherët kanë vërejtje edhe rreth tatimit të dyfishtë mbi përdorimin e ngrohjes gjeotermale.

 

Domethënë, ata paguajnë një tarifë për koncesion, por me ndryshimin e ligjit kjo tarifë është jashtëzakonisht shumë e lartë.

 

Oranzherët, të cilët përdorin naftën, kanë një problem me çmimin e lartë të naftës, e cila në vitin 2009 u rrit me 249%. Kërkohet nga Qeveria që të ndërhyhet me rezervat shtetërore, me çka do të lejohet cikël i plotë i prodhimit të perimeve dhe kulturave të hershme.