24 vite nga Masakra e Reçakut, përkujtohen mbi 45 civilë të pafajshëm shqiptarë

Në orët e hershme të mëngjesit të 15 janarit 1999, Reçaku u zgjua i rrethuar. Forcat serbe  me artileri të rëndë bombarduan fshatin dhe vranë e masakruan barbarisht 45 shqiptarë të paarmatosur.  Pas ndërprerjes së bombardimeve, forcat serbe u futën në fshat dhe nisën bastisjet.

 

Pas Masakrës së Reçakut, rifilluan luftimet 48 orësh mes UÇK-së dhe forcave serbe për marrjen e kufomave. Serbia donte t’i zhdukte gjurmët e krimit, por kjo tentativë e tyre dështoi. Masakra e Reçakut tmerroi botën dhe zgjoi ndërgjegjen e diplomacisë botërore për t’u mobilizuar për Kosovën.Tmerret e shkaktuara në fshatin Reçak shpalosën të vërtetën rreth planit gjenocidal të Sllobodan Millosheviç.

 

Shefi i misionit të OSBE-së, Uilliam Ualker qw shkoi në vendin e krimit dhe e cilësoi atë: Krim kundër njerëzimit.

 

Pas Reçakut, çështja e Kosovës ishte pjesë e konferencës ndërkombëtare në Rambuje e në Paris, mossuksesi i të cilës ndikoi  në ndërhyrjen e NATO-së kundër forcave ushtarake serbe, largimin e tyre nga Kosova dhe vendosjen e administratës ndërkombëtare në Kosovë.