Meksika miraton një nga ligjet më të rrepta në botë kundër duhanit

Meksika ka sjellë në fuqi një nga ligjet më të rrepta në botë kundër duhanit, duke miratuar një ndalim total të pirjes së duhanit në vende publike.

 

Ai përbën një nga ligjet më të rrepta kundër duhanit në botë. Ligji ekzistues i Meksikës i vitit 2008 – i cili krijoi hapësira pa tym në bare, restorante dhe vendet e punës – tani është shtrirë në një ndalim të plotë në të gjitha hapësirat publike. Kjo përfshin parqet, plazhet, hotelet, zyrat dhe restorantet.

 

Hapi, i cili u miratua për herë të parë në vitin 2021, do të ketë gjithashtu një ndalim total për reklamimin, promovimin dhe sponsorizimin e produkteve të duhanit, që do të thotë se cigaret nuk mund të shfaqen as brenda dyqaneve.

 

Disa vende të tjera të Amerikës Latine kanë miratuar gjithashtu legjislacionin për krijimin e hapësirave publike pa duhan.

 

Organizata Shëndetësore Panamerikane thotë se përdorimi i duhanit është shkaku i vetëm më i parandalueshëm i vdekjeve në botë, përgjegjës për gati një milion vdekje në kontinentin amerikan çdo vit, qoftë nëpërmjet konsumimit të drejtpërdrejtë ose ekspozimit ndaj tymit.