Jovica Stojanoviq u.d. drejtore e Drejtorisë për Ekzekutimin e Sanksioneve

Qeveria e emëroi Jovica Stojanoviqin si u.d. drejtor të Drejtorisë për Ekzekutimin e Sanksioneve deri në zgjedhjen e drejtorit të ri.

 

Siç bëri të ditur shërbimi për informim, Qeveria në mbledhjen e 120-të e pranoi edhe propozimin e ministrit të Drejtësisë që të shpallë konkurs publik për emërim të drejtorit të ri në Drejtorinë për Ekzekutimin e Sanksioneve, siç është sqaruar, sipas nenit 27, paragrafi (2) të Ligjit për Ekzekutimin e Sanksioneve.

 

Një ditë më parë  Qeveria e shkarkoi nga detyra drejtorin e deridjeshëm , Marjan Spasovski pas arratisjes së të dënuarit Bekim Memeti nga burgu i “Idrizovë”-s.

 

Për arratisjen e Memetit u  suspenduan nga puna edhe komandanti i departamentit dhe pjesëtarët e policisë së burgut të cilët e kryenin përcjelljen e të burgosurit. Tetë ditë paraburgim morën komandanti dhe dy policë të burgut, ndërsa të dyshuarit të katërt iu shqiptua masa e kujdesit.