Fillon gjysmëvjetori i dytë i vitit shkollor 2022/2023

Për filloristët dhe nxënësit e shkollave të mesme sot fillon gjysmëvjetori i dytë i vitit shkollor 2022/2023. Pushimi u vazhdua me vendim të Qeverisë për shkak të funksionalitetit të shkollave dhe mësimi në vend se në 18 janar fillon sot.

 

Sipas gjitha gjasave viti shkollor në vend se me 9 qershor (e premte) do të përfundojë më 14 qershor, pasi siç tha edhe ministri i Arsimit dhe Shkencës Jeton Shaqiri, nxënësit duhet t’i plotësojnë 180 ditë mësim të përcaktuara me Kalendarin për procesin edukativo-arsimor në shkolla.