Britania e Madhe: Kosova të anëtarësohet në Këshillin e Europës

Ky është qëndrimi që përfaqësuesi i Britanisë së Madhe, John Howell, mbajti një ditë më parë në seancën e Asamblesë Parlamentarë të kësaj organizate.

 

Në një debat të mbajtur me iniciativën e Britanisë së Madhe në selinë e Këshillit të Europës, Howell kërkoi që çështja e anëtarësimit të Kosovës të ndahet nga progresi në dialogun e Kosovës me Serbinë, i cili ndërmjetësohet nga Bashkimi Europian.

 

“Kosova nuk duhet të mbahet peng në raport me progresin në dialogun e udhëhequr nga BE-ja. Duhet të tregojmë se Këshilli i Europës është i ndarë nga Bashkimi Europian dhe se ka vlerat dhe parimet e veta mbi bazën e të cilave sillen vendimet”, tha Howell.

 

Gjatë seancës, Shqipëria, Maqedonia e Veriut dhe Kroacia mbështetën anëtarësimin, ndërsa Serbia u bëri thirrje anëtarëve që ta refuzojnë kërkesën e Kosovës.