Ukrainë, forcat ruse ashpërsojnë sulmet

Forcat ruse kanë nisur një ofensivë të shumëfishtë në rajonet lindore të Ukrainës, Donjeck dhe Luhansk.

 

Ushtria e Ukrainës tha se nga granatimet e rënda u godit veriu, verilindja dhe lindja e Ukrainës, mes pritshmërive se Rusia po përgatitet për një ofensivë tjetër diku në mesin e muajt të ardhshëm. Përballë kësaj, aleatët perëndimorë të Ukrainës vazhdojnë të zotohen për pajisje ushtarake dhe ndihmë për të mbështetur Kievin, derisa po afrohet njëvjetori i konfliktit, i nisur nga Rusia më 24 shkurt të vitit të kaluar.

 

Presidentja e Komisionit Evropian, Ursula von der Leyen, tha përpara një samiti BE-Ukrainë që zhvillohet javën e ardhshme, se Kievi e ka mbështetjen e pakushtëzuar të Bashimit Evropian.

 

“Ne qëndrojmë në krah të Ukrainës pa asnjë nëse dhe por”, tha von der Leyen në një fjalim më 28 janar në Duseldorf të Gjermanisë.