LSDM: VMRO në anën e kundërt të interesave shtetërore

VMRO-DPMNE dhe Hristijan Mickoski janë rob të Dimitar Apasievit dhe Levicës dhe qëndrojnë në anën e kundërt të interesave nacionale dhe shtetërore, kanë akuzuar nga LSDM.

Sipas tyre, pohimet e VMRO-së për marrëdhënie të prishura me Bullgarinë janë thjeshtë politika për krijimin e tensioneve dhe konflikteve.

 

“Përkundër kësaj, qeveria e udhëhequr nga LSDM po ndërton marrëdhënie të mira me shtetet fqinje, por edhe me gjithë botën demokratike, me qëllim integrimin e përshpejtuar në BE. VMRO-DPMNE qartë po e tregon qëllimin e saj, pengesë në rrugën evropiane, prishje të marrëdhënieve me Bullgarinë fqinje”, thuhet në kumtesën e LSDM-së.

 

Sipas partisë në pushtet VMRO-DPMNE dhe Mickoski përsëri duan ta kthejnë shtetin prapa në përçarje dhe izolim, e hidhëruar me fqinjët, siç bënë për 11 vite me radhë.