Kovaçevski për klubet bullgare: Vazhdojnë punën ato që respektojnë ligjin

Klubet bullgare do të mund ta vazhdojnë me aktivitete vetëm nëse kanë respektuar ligjin për formimin e shoqatave të  votuar në kuvend, thotë kryeminstri Dimitar Kovaçevski.

Korniza kohore tremujashe sipas tij  ishte e mjaftueshme për t’i ndryshuar emrat.

“Ata që e kanë ndryshuar, do të vazhdojnë të punojnë në pajtim me ligjet, ata që nuk kanë vepruar sipas ligjit, nuk do të mund të punojnë më” – u shpreh Kryeministri i vendit, Dimitar Kovaçevski.

Çerneva: Klubet bartin emra provokues

Edhe zëvendës drejtoresha e Këshillit Evropian për politikë të jashtme, Vesela Çerneva,  klubet bullgare i quan provokuese për shkak se sipas saj, bartin emra që nuk ndërtojnë ura lidhëse por përçarëse.

Fajëson të dyja palët për moskrijimin e ambientit në zgjidhjen e problemeve.

“Ata emra janë bërë në atë mënyrë që ta provokojnë palën tjetër. Kur hapni ndojnë klub, duhet të jetë ura që ngroh raportet  dhe që nuk shqetëson palën tjetër” – deklaroi Vesela Çerneva, zyrtare e Këshillit Europian.

Radev: S’ka lëvizje pa ndryshimet kushtetuese

Ndërkohë presidenti i Bullgarisë Rumen Radev fton lidershipin e vendit të inkurajohet  dhe të bëjë hapa aktiv  drejt ndryshimeve kushtetuese. Për të përditshmen greke “Katimerini”, shefi bullgar përkujton Shkupin se pa plotësuar kushtin e inkorporimit të bullgarëve në kushtetutë, nuk do të mund t’i hap kapitujt me Bashkimin Evropian.

“Maqedonia e Veriut ka pranuar të ndryshojë kushtetutën e saj dhe të përfshijë bullgarët në baza ta barabarta me popujt që jetojnë atje. Pa këtë kusht,  fillimi real i negociatave nuk do të mund të ndodhë”.

Nga ana tjetër, ka vazhduar takimi dyditor  në komisionin multidisiplinar. Javën e kaluar  bashkë-kryesuesi  nga vendi jonë, Dragi Gjorgiev, vlerësoi se rritja e tensioneve mes RMV-së dhe Bullgarisë ndikon dukshëm  edhe në punën e komisionit. (Nermin Mulaki – Fejzullahu, TVM2)