Breshëri raketash në Ukrainë, goditet rafineria e naftës, një viktimë

Rusia lëshoi 36 raketa në Ukrainë, duke goditur rafinerinë e saj më të madhe të naftës.

Sipas forcave ajrore të Ukrainës dëmi në rafinerinë Kremenchuk, në lumin Dnipro, është ende i paqartë, por një grua e moshuar ka humbur jetën.

Në atë zonë u plagosën tetë persona dhe u shkatërruan 60 shtëpi.

Forcat ajrore të Ukrainës rrëzuan 16 nga raketat e lëshuara, ndërsa policia në Moldavi tha se gjeti mbetje raketash pranë kufirit me Ukrainën.