Pothuajse 11 ditë nën rrënoja, nxirret i gjallë një 12-vjeçar në Turqi

Ekipi i shpëtimit ka arritur të nxjerrë nga rrënojat vogëlushin dhe dy burra pas më shumë se 260 orësh nga tërmeti. Ai u shpëtua nga një ndërtesë e shembur në Antakya të provincës Hatay.

 

Edhe dy persont e tjerë u nxorën të gjallë nga rrënojat në të njëjtën vend, por shpëtime të tilla janë bërë gjithnjë e më të rralla. 

 

Mehmet Ali Sakiroglu, 26 vjeç dhe Mustafa Avci, 34 vjeç, u shpëtuan pas 261 orësh pas tërmetit me magnitudë 7.7 ballë, dhe u morën me ambulancë. Familjarët kanë shkuar me urgjencë në spitalin ku po trajtohen.

 

Deri më tani numri i viktimave është rreth 43 mijë.Rreth 47,000 ndërtesa janë shkatërruar ose dëmtuar.