Kumanovë: Qytetarët falenderues për marrjen e shtetësisë

Qytetarë të cilët me dekada kishin pritur që të pajisen me shtetësi të RMV, mbrëmë në mënyrë të organizuar pritën në takim falenderues, bdaj deputetëve të ASH-së pasi pas angazhimit të grupit palamentar të këtij subjekti politik u soll në kuvendin e RMV ligji për shtetësi.   

 

“Qëllimi i vizitës tonë, sonte këtu në Kumanovë është me ftesë nga disa qytetarë të cilët tashmë edhe zyrtarishtë janë qytetarë të RMV me qenëse së fundmi kanë realizuar të drejtën e vet për shtetësi e cila padrejtësisht u ishte mohuar me dhjetëra vite mirëpo ja së fundmi me ndryshimet e ligjit për shtetësi kanë arritur përfundimisht ta realizojnë të drejtën e vet. Unë jam e lumtur sa vet këta persona të cilët më në fund e kanë këtë të drejtë dhe erdhëm që ta ndajmë gëzimin bashkë”, theksoi mes tjerash, Ilire Dauti, deputete e ASH.

 

Qytetarët të cilët tashmë u pajisën me shtetësi, për programin para kamerës sonë u shprehen të lumtur, pasiqë tani do të jenë të barabartë me të gjithë qytetarët e tjerë të vendit, e që në fakt ndjejn edhe shumë lehtësi në përditshmëri.

 

“Jam 61 vjeçar, prej viti 1975 jemi këtu, ka 6 muaj që kam marrë nënshtetësi, 45 vjet kam qenë pa nënshtetësi, i kënaqur jam pasi jemi pajisur e gjithë familja. Kemi patur shumë probleme nuk kemi pasur asnjë të drejtë elementare, në punë isha porn ë vitin 1999 më paten përjashtu shkaku i nënshtetësisë”, tha, Sefedini.

 

“Po e morrëm nënshtetësinë jemi tejet të lumtur pasi u desht me prit 37 vjet, as burri nuk ka pasur por edhe ai bashkë me mua e morrëm dhe jemi shumë të lumtur”, tha, Iseni.

 

Ndryshe, në RMV, ende vazhdon të jet i lartë numri i qytetarëve që nuk gëzojnë të drejtën e shtetësisë.