Kuvend, vazhdon debati për shkarkimin e zëvendësministrave

Tre ministra nga radhët e Aleancës për Shqiptarët do të hyjnë në kabinetin e kryeministrit Kovaçevski,  Azir Aliu do të drejtojë ministrinë e Shëndetësisë, Fatmir Mexhiti në krye të Ministrisë së Shoqërisë  Informatike dhe Administratës, Krenar Loga në krye të drejtësisë. Ministria e Mjedisit dhe Planifikimit Hapësinor  kalon tek kuadri I LSDM-së  ku për ministre zgjedhet Kaja Shukova.

 

Rikonstruimi i Qeverisë vjen pas hyrjes së ASH-së qeveri, që ishte edhe arsyeja që partneri i mëparshëm, partia Alternativa të shkojë në opozitë. 

 

Kryeministri Kovaçevski nga Kuvendi kërkoi diskutim konstruktiv dhe përsëriti se rikonstruimi i Qeverisë nuk është i motivuar për çështje partiake, por është për të ardhmen evropiane të shtetit.

 

Kryeparlamentari Xhaferi ka konfirmuar shkarkimet e zëvendësministrave të Mbrojtjes, Bashkim Hasani, të Bujqësisë, Abdulshukur Abedini, dhe të Arsimit, Lulzim Aliu. Me propozimin e kryeministrit Kovaçevski, në vend të tyre do të ulen Tiron Jajaga për Bujqësi dhe Agim Nuhiu për Arsim dhe Shkencë, ndërsa zëvendësministre e drejtësisë do të emërohet Viktorija Avramovska-Matiç,  zëvendësministre e shëndetësisë  Maja Manoleva .Seanca vazhdon sot me zgjedhjen e zëvendësministrave, ndërsa janë regjistruar 40 deputetë.