“Dërgoi raketa në Ukrainë”, Rusia kërkon shpjegim zyrtar nga Serbia aleate

Moska ka shprehur sot “shqetësimin e saj” pas raportimeve se aleatja e saj, Serbia ka dërguar me mijëra raketa në Ukrainë.

 

Sipas raportimeve të fundit, fabrika shtetërore e armëve në Serbi ka dërguar 3 500 raketa në Ukrainë përmes Turqisë dhe Sllovakisë.

 

Zëdhënësja e Ministrisë së Jashtme të Rusisë Maria Zakharova deklaroi se Moska po i ndjek zhvillimet me kujdes ndërsa shtoi se mundësia e armatosjes së Ukrainës nga ana e Rusisë do të vinte seriozisht në pikëpyetje marrëdhëniet dypalëshe.

 

Nga ana tjetër, ministri serb i Mbrojtjes Milos Vucevic ka mohuar që vendi i tij të ketë dërguar raketa në Ukrainë, edhe pse shtoi se ato mund të kenë mbërritur në frontin e luftës përmes palëve të treta.

 

 

Kujtojmë se Serbia ka qenë një prej aleatëve më të ngushte të Rusisë në Evropë.