LSM: Shporta konsumatore në shkurt 50.909 denarë

Shpenzimet minimale të një familjeje katër anëtarëshe në muajin shkurt arritën në 50.909 denarë, thuhet në analizën e publikuar sot nga Lidhja e Sindikatave të Maqedonisë. Sipas të dhënave nga shporta sindikale e konsumit, e publikuar nga Lidhja e Sindikatave, pjesa më e madhe ose 19.379 denarë shpenzohet për ushqim dhe pije, ndërsa 13.306 denarë për shpenzime komunale. Për transport nevojiten minimalisht 3.679 denarë, ndërsa për mjete higjienike 3.154 denarë. Krahasuar me janarin e këtij viti, shporta e konsumit sindikal është rritur për 110 denarë.

 

 

Prej disa ditësh ka hyrë në fuqi vendimi qeveritarë për ngrirjen e çmimit të bukës së bardhë dhe gjysmë të bardhë 450 gramëshe në 33 denarë, ndërsa qeveria pritet të marrë vendim për uljen e çmimit të makaronave dhe vajit, paralajmërojnë nga ministria e Ekonomisë. Paralajmërohet se disa prodhime të qumështit dhe makaronave duhet t’u ngrijnë çmimet, siç janë qumështi i pasterizuar i lopës, jogurtit si dhe pastat. 

 

“Ministria e Ekonomisë po bënë analiza për ngrirjen e çmimeve të brumërave dhe të disa produkteve të qumështit, të cilat aktualisht edhe mbulohen nga vendimi për marzhë të kufizuar të TVSH-së, që bëjnë pjesë në produktet bazë të shportës së konsumatorit. Do të ndjekim modelin për industrinë e furrtarëve.”, theksojnë nga Ministria e Ekonomisë.

 

Qeveria po bisedon me tre prodhuesit e vajit ushqimor në vend, për uljen e çmimit në më pak se 100 denarë për një litër.