Pakti i sigurisë AUCUS, marrëveshje e re për nëndetëset bërthamore

ShBA, Britania e Madhe dhe Australia kanë publikuar detaje të planit të tyre për të ndërtuar një flotë nëndetësesh me energji bërthamore për të kundërshtuar ndikimin e Kinës në rajonin Indo-Paqësor. Sipas paktit të sigurisë AUCUS, ShBA do t'i sigurojë Australisë të paktën tre nëndetëse bërthamore. Një flotë e re do të krijohet gjithashtu duke përdorur teknologjinë më të fundit, duke përfshirë reaktorët Rolls-Royce.

 

"AUCUS ka një qëllim dominues, të rrisë stabilitetin në Indo-Paqësorin dhe të ndryshojë me shpejtësi dinamikën globale. Projekti i parë është në fillim. Më shumë partneritete, më shumë potencial, më shumë paqe dhe siguri i paraprijnë rajonit. E thënë thjesht, ne po e vendosim veten në pozitën më të fortë për të adresuar sfidat e së sotmes dhe së nesërmes”, tha president i Shteteve të Bashkuara, Joe Biden.

 

Sipas Kinës, Pakti dëmton paqen dhe stabilitetin. Biden u kundërpërgjigj se qëllimi ishte forcimi i paqes në rajon, duke theksuar se nëndetëset do të ishin me energji bërthamore dhe jo me armë bërthamore.