Migrimi nga Kosova, për tre ditë kanë ikur 4 mijë persona

Andaj, sot është arritur një marrëveshje në Beograd mes Policisë së Hungarisë, Austrisë dhe Gjermanisë për bashkëpunim më të madh kur është fjala për ndalimin e emigrantëve ilegalë.

Ministri i Punëve të Brendshme i Serbisë, Nebojsha Stefanoviç, u ka bërë thirrje emigrantëve nga Kosova që mos t’i shesin pronat e tyre, sepse 99 për qind nga ta do të kthehen në shtëpitë e tyre. Siç raportojnë mediat serbe, Stefanoviç pas takimit me drejtorin e Policisë së Gjermanisë, Diter Roman, drejtorin e Policisë hungareze, Karol Pap dhe delegacionin e Policisë nga Austria ka thënë se në kufirin serbo-hungarez së shpejti bashkë me policinë kufitare do të fillojë patrullimi edhe i xhandarmërisë. “Për ta mbrojtur pjesën e gjelbër të kufirit, policia do të rrit numrin e pjesëtarëve të saj në kufi me Hungarinë dhe nga sot është këqyrur edhe një pjesë e xhandarmërisë”- ka thënë Stefanoviç.

Drejtori i Policisë së Gjermanisë ka deklaruar se bisedimet kanë qenë efikase dhe kanë rënë dakord që policia e asnjërit shtet nuk ka mundësi që vetëm të zgjidhë problemet e emigrantëve ilegalë. “Serbia, Hungaria, Austria dhe Gjermania vetëm bashkë mund ta ndalojnë eksodin humanitar”- ka thënë Roman.

Drejtori i Policisë hungareze, Karol Pap, tha se me Stefanoviçin dhe Romanin është i sigurt se me ndihmën e katër vendeve do të arrihen rezultate të mira. “Kjo do të sjellë më shumë siguri për të gjithë qytetarët tanë”- ka thënë Pap. (Gyltene Sinani, TVM2)