Ulja e çmimeve të produkteve, qytetarët: Afati për 3 muaj nuk është zgjidhje

Prej sot makaronat në dyqanet e vendit duhet të jenë më të lira për 15%, kurse produktet e qumështit për 10%. Këtë e parasheh  vendimi për uljen dhe ngrirjen e çmimeve të makaronave dhe produkteve qumështore nga 16 mars deri më 31 maj të cilin e miratoi qeveria e RMV-së. 

 

Qytetarët e anketuar nga TVM-2 shprehen se kanë vërejtur ndryshime, por shtojnë se me këto ulje çmimesh janë të pakënaqur. Shprehen skeptik për ngrirjen e çmimeve  për afat kohor 3 mujor, i cili sipas tyre nuk është zgjidhje e duhur.  

 

“Nëse ka ndryshime  5 denarë apo 10 denarë ato nuk janë ndryshime dhe pas 3 muajve çka do të ndodh?”, - tha një qytetar.

 

“Çmimet ndryshe janë atje, këtu ndryshe.”, - u shpreh një qytetar tjetër. 

 

“Shumë pak, japin premtime, por nuk ka ndryshime.”, - tha një qytetar tjetër. 

 

“Kishte lirime 10% apo 15%  makaronave, jogurtit.”, - u shpreh një qytetar. 

 

“Ka ulje të çmimeve, por jo si duhet të jenë.”, - u shpreh një qytetar.

 

“Ende nuk e kam vërejtur.”, - tha qytetari. 

 

Qytetarët përveç ankesës për çmimet e larta të produkteve ushqimore bazë shprehin shqetësim edhe për çmimin e lartë të energjisë elektrike. Ata apelojnë deri te Qeveria që të ndërmerr masa për këtë çështje, sepse e rëndon tej mase buxhetin familjar.