Bekteshi, ngrihet çmimi për orizin dhe vezët

Ministri i Ekonomisë, Kreshnik Bekteshi, njoftoi se nesër ngrihen çmimet e orizit dhe vezëve.

 

Bekteshi në konferencën e sotme për media tha se tek çmimi i  sheqerit dhe miellit nuk do të ndërhyhet me ngrirje për shkak se çmimet e këtyre produkteve tashmë janë rritur dhe ky trend pritet të vazhdojë.

 

Sipas tij, aktualisht çmimet e vezëve në vend janë më të ulëtat në krahasim me vendet e tjera të rajonit dhe nuk do të lejohen rritje të çmimeve për shkak të festave të ardhshme. Çmimet e makaronave dhe produkteve të qumështit janë ngrirë që nga 16 marsi, ndërsa çmimi i bukës është ngrirë nga 28 shkurti. Më pas, sipas vendimeve të qeverisë, u hoq energjia elektrike e subvencionuar për kompanitë e industrisë ushqimore. Ministri Bekteshi javën e kaluar bëri të ditur se masat e reja për çmimet janë të mundshme në muajin prill.