Integrimet, Geer: Urgjent qasuni reformave gjyqësore

Arritja e strategjisë për integrim në BE kalon nëpërmjet realizimit të reformave dhe këtu duhet punuar intensivisht, thotë euroambasadori, Dejvid Gir, i cili veçon pjesën e gjyqësorit, e që sipas tij, kjo fushë  duhet të funksionojë i pavarur dhe  pa presion. Ndërkohë, përkujton se qasja ndaj BE-së duhet të jetë proces që fiton  pajtueshmërinë e të gjitha partive politike.

 

“Është shënuar përparim në disa fusha dhe institucione, janë avancuar,  por  ju inkurajojmë për progres më të madh. E them atë që e di secili qytetar se ka shumë dobësi me të cilat duhet të ballafaqoheni urgjent. Reformat në sundimin e  së drejtës,  përfshirë edhe gjyqësorin janë proces në vazhdim dhe nevojiten hap i ri për të pasur përparim të mëtutjeshëm. Ne do të vazhdojmë t’ju ofrojmë ndihmë teknike dhe financiare në proces, por përgjegjësitë  për reforma janë obligim i autoriteteve, por edhe i gjyqësorit,  në mënyrë që këtë  gjyqësor të pavarur dhe profesional, në të cilin opinion ka besim.”, - deklaroi euroambasadori, David Geer.

 

 

Për kryenegociatorin Bojan Mariçiq, ndryshimet kushtetuese janë kusht i brendshëm që duhet plotësuar, ndërsa qeveria do të vazhdojë t’i ftojë vazhdimisht  partitë politike për bisedime.

 

“Përgjegjësinë e mban secila parti politike, secili politikan,  por unë jam i bindur se edhe në VMRO-DPMNE ka njerëz  që e kuptojnë  këtë shumë mirë dhe nuk do të lejojnë të jenë peng i ndonjë politike antievropiane. Ne nuk e hapim këtë proces vetëm se është në interes të qeverisë apo të ndonjë politikani, por sepse ky proces është në interes  të qytetarëve dhe ne duhet ta kompletojmë bashkërisht.”, - theksoi kryenegociatori me BE-në, Bojan Mariçiq.

 

Duhet shfrytëzuar kjo dritare e mundësisë dhe t’i shpijmë qytetarët në një jetë më të mirë, përfundoi Mariçiq.