Ndryshimet kushtetuese përplasin partitë, LSDM: deputetë të VMRO-së pro ndryshimeve

Ndryshimet kushtetuese përplasin sërish partitë politike duke vënë në lojë deputetët e njërës dhe partisë tjetër. LSDM thotë se një pjesë e deputetëve të opozitës do t’iu bashkangjitet ndryshimeve të kushtetutës, ndërkohë që Mickoski po përpiqet të zbraps nga vetja këtë tension.

 

“Hristijan Mickoski dhe VMRO – DPMNE po përpiqen që nëpërmjet kunjave dhe komunikimeve të rreme të heqin trysninë nga pjesa më e madhe e deputetëve të tij. Besoj që kur të hyj procesi në kuvend, do të bindeni se të gjith deputetët e shumicës parlamentare, përfshi një pjesë të madhe të deputetëve të opozitës do të jenë pro me argument dhe qëndrime për ndryshimet kushtetuese”, u shpreh deputeti i LSDM-së, Darko Kaevski.

 

 

Ndërkohë nga VMRO – DPMNE me kundër akuza se deputetët të LSDM-së kanë kundërshtuar Kovaçevskin që të bëhen pjesë e ndryshimeve kushtetuese duke refuzuar kështu të nënshkruajnë dokument të përbashkët për përfshirjen e bullgarëve në kushtetutë. 

 

“Kovaçevski dhe Zeçeviq nuk kanë mundur të kontrollojnë grupin e deputetëve dhe pas informacioneve që ne plasuam për tre deputetë nga rradhët e LSD-së nga njësia e parë dhe e dytë zgjedhore, të cilët nuk pajtohen me ndryshimet e tilla kushtetuese dhe për gjashtë deputetët nga brendia e vendit, për të cilët politika e tillë e LSD-së është puna më e keqe që ata mund ta bëjnë, Kovaçevski ka thirur kordinim me deputetët për ti bindur se kjo është forma e vetme që LSD mund të mbijetojë edhe ndonjë muaj në pushtet”, theksoi zëdhënësja e VMRO – DPMNE-së, Marija Miteva.

 

 

BDI konsideron se pikërisht në VMRO ka deputetë të cilët janë pro frontin europian.

 

“Shqetësuese janë deklaratat pa ekuivoke të liderëve të opozitës kundër integrimit europian dhe refuzimi i ndihmës nga partnerët tanë ndërkombëtarë. Në VMRO DPMNE ka forca europiane që nuk identifikohen me pikëpamjet e liderëve të tyre aktual dhe nuk duan të përsërisin të njëjtat gabime kur ata qëndruan në anën e gabuar,” thuhet në kumtesën e integristëve.

 

Nga BDI edhe njëherë kanë ftuar të gjitha partitë që ti bashkangjiten këtij fronti të cilin sipas tyre e mbështesin edhe qytetarët.