Joveski : Prokuroria dëgjon dëshmitarët për Janën, pritet rezultati i obduksionit

Prokuroria e Manastirit ofron prova për rastin e vdekjes së gjashtëvjeçares Jana Hristova, e cila ndërroi jetë të mërkurën e kaluar në spitalin e Manastirit,  me simptoma që sipas prindërve të saj i ngjanin gripit. Prokurori publik, Lubomir Joveski, tha  se prokuroria ende nuk i ka siguruar rezultatet  nga obduksioni.

 

“Prokurori publik i Prokurorisë në Manastir, po ndërmerr masat e duhura dhe siguron dëshmi në lidhje me vdekjen e Janës. Ende protokolli nga obduksioni i kryer nuk i është dorëzuar Prokurorisë. Njëkohësisht ne punojmë edhe për sigurimin e dëshmive të tjera, janë dëgjuar edhe deklaratat e shumë personave për të cilët prokuroria konsideron se janë të rëndësishëm  për zbardhjen e këtij rasti.”, - deklaroi prokurori publik, Lubomir Joveski.