KSI rekomandon për kujdes të shtuar

Komisioni për sëmundjet infektive e shqyrtoi  rastin e shfaqur me fruth, të një fëmije 13 muajsh në Sveti Nikollë.

 

Fëmija që ishte i hospitalizuar  në spitalin e Shtipit është lëshuar për mjekim shtëpiak, në izolim, në gjendje të mirë stabile dhe pritet që të mos ketë pasoja për shëndetin e fëmijës, informoi zëdhënësi i KSI-së, Zllate Mehmedoviç. 

 

“Komisioni për Sëmundjet Infektive rekomandon që  së pari duhet të forcohet mbikëqyrja epidemiologjike e të gjitha etheve të skuqjes, në mënyrë që të zbutet procesi i përhapjes.  Rekomandimi i dytë është ndërgjegjësimi i punonjësve shëndetësor dhe popullatën për ekzistencën e fruthit në vend. Rekomandimi i tretë është që mjekët amë t’i përcjellin simptomat karakteristike të fruthit. Rastet e dyshimta duhet t'i referohen specialistëve.", - deklaroi zëdhënësi i KSI-së, Zllate Mehmedoviç.

 

Mehmedoviç tha se aktualisht nuk ka asnjë rast të dyshimtë me fruth në vend.