Kryeministri kroat për vizitë zyrtare në vend, mirëpritet nga krerët e lartë shtetëror

Pas ceremonisë së pritjes është paraparë takim i Kovaçevskit dhe Plenkoviqit, pas së cilës do të vijojnë bisedimet dypalëshe mes dy delegacioneve. Në përbërjen e delegacionit të Maqedonisë së Veriut, në takimin me delegacionin kroat, do të jenë zëvendëskryeministrat për Çështje Evropiane dhe Çështje Ekonomike, Koordinim të Resorëve Ekonomikë dhe Investimeve, Bojan Mariçiqi dhe Fatmir Bytyqi, ministri i Shoqërisë Informatike dhe Administratës, Azir Aliu. Kryeministri kroat Plenkoviqi gjatë vizitës zyrtare do të pritet edhe nga shefi i shtetit Stevo Pendarovski, si dhe nga kryetari i Kuvendit, Talat Xhaferi, ndërsa do të mbajë fjalim edhe para deputetëve në Kuvend.