Greqi – Maltë, anija me 400 emigrantë rrezikon fundosjen

Njerëzit në bord janë në panik dhe disa kanë nevojë për kujdes mjekësor,  sepse  anijes i ka mbaruar karburanti dhe kuverta e poshtme e saj është plot me ujë. Kapiteni është larguar dhe nuk ka “askush që mund të drejtojë varkën”, shkruan “Alarm Fone”.

 

Së fundmi ka pasur një rritje të numrit të anijeve me emigrantë që kalojnë Mesdheun nga Afrika e Veriut. Javën e kaluar, 440 emigrantë u shpëtuan pranë Maltës pas një operacioni kompleks 11 orësh në dete të stuhishme nga anija “Geo Barents”.