Promovohet “ADA”, asistenti i parë digjital, do të jep informata për ndihmat shtetërore

Investitorët dhe qytetarët do të mund të marrin informata në lidhje me programet e ndihmës shtetërore të Qeverisë së RMV-së nëpërmjet asistentit të parë digjital “ADA”, i cili është i bazuar në inteligjencë artificiale.

“ADA” do të jetë në dispozicion të qytetarëve dhe investitorëve të huaj të interesuar 24/7 dhe do të mund t’u përgjigjet të gjitha pyetjeve më të shpeshta në lidhje me programet e ndihmës shtetërore të Qeverisë së Republikës së Maqedonisë së Veriut.

“ADA”, në fazën e parë, do të ofrojë shërbime në pjesën e ndihmës shtetërore, respektivisht do t’u përgjigjet pyetjeve të investitorëve të interesuar në lidhje me realizimin e tyre për planet investuese në vendin tonë, çfarë lloji dhe vëllimi i ndihmës shtetërore ofrohet nëpërmjet programeve të Qeverisë.