Gjykatat e ngathta, nisi nga fillimi gjykimi Zekirin

Pas shumë shtyerjeve të seancave dhe ndryshimit të këshillit  gjykues të gjykatës penale Shkup nga fillimi nisi  gjykimi për ish sekretarin e përgjithshëm të  Qeverisë, Muhamed Zeqiri. Ai sërish është shprehur i pafajshëm respektivisht mohon të ketë keqpërdorur pozitën zyrtare. Pas mbarimit të seancës avokati i Zeqirit më qëndrim:

 

“Paratë që ngarkohen mbi klinetin e tij nuk janë në atë vlerë që u prezantuan fillimisht prej 147 milionë euro. Gjithashtu, u vërtetua se vlera e cila është paguar dhe angazhimi I shtëpive revizore, të cilat kanë punuar në dy lëndët, korrespondon me çmimin real dhe vlerën për çka është paguar ajo shumë.”, tha avokati Aleksandar Trajkovski. 

 

Në dëshminë e procedurës dëgjohet dëshmitari Petko Dimitrov  si drejtues i kompanisë për shërbime konsulente e cila ka lidhur marrëveshje me Qeverinë për ndihmesë gjatë privatizimit të Hekurudhës. Dëshmitari ka thënë se si kompani nuk e kanë parë ftesën e Qeverisë për bashkëpunim nëse kjo e fundit ka qenë në harmoni me ligjin për furnizime publike.

 

Eksperti Kiro Kostov nga fusha e ekonomisë është shprehur se sipas ekspertizave të tij është konkluduar se Qeveria i ka nënshruar marrëveshjet jashtë procedurës për furnizime publike. Prokuroria ngarkon Zeqirin për marrëveshje joligjore të tenderëve për shërbime konsulente dhe se është dëmtuar buxheti për 1,4 milion euro.