Manhattan, një i vdekur nga shembja e parkimit 4 katësh

Një punëtor humbi jetën dhe 5 të tjerë mbetën të lënduar pas shembjes së një parkimi 4 katësh në Manhattan të Nju Jork City, pranë universitetit Pace.

Qindra zjarrfikës dhe ekipe të emergjencës shkuan në vendngjarje dhe punuan për nxjerrjen e personave të bllokuar, duke përdorur edhe paisje robotike, pasi struktura ishte e paqëndrueshme.

Dëmet konsiderohen shumë të mëdha pasi dhjetra makina janë shtypur me njëra tjetrën, teksa shkaqet e shembjes janë ende të paqarta dhe një hetim ka nisur për zbulimin e tyre.