Sociale, 312 banesa për familjet e rrezikuara

312 familje me status të rrezikuar social do të përfitojnë banesa pas përfundimit të ndërtesës 13 katëshe, banesa sociale në Butel. Kryeministri Kovaçevski së bashku me ministrin e transportit, Boçvarski, kanë inspektuar punimet ndërtimore në banesën sociale e cila po ndërtohet ku kanë evidentuar se 95 % të punimeve veç më janë kryer.

 

“Kjo është banesa sociale më e madhe në vend, në të cilën së shpejti do të përfitojnë shtëpi 312 familje nga kategoritë e rrezikuara sociale. 312 familje të rrezikuara sociale, bashkëqytetarë tanë, do të kenë çati mbi kokë dhe fëmijët e këtyre familjeve do të jenë të sigurtë, në vend se në  rrugë.”, - deklaroi kryeministri, Dimitar Kovaçevski.

 

Objekti ka kushtuar rreth 10 milion euro, thotë ministri Boçvarski.

 

“Kemi investuar rreth 9.8 milionë euro për ndërtimin e këtij objekti me të cilët do të ndihmojmë jetimët, përfituesit e ndihmës së përhershme financiare, prindërit e vetushqyes dhe personat me aftësi të kufizuara. Të gjithë kanë të drejtë të barabartë për t'u ndjerë të mbrojtur nga shteti.”, - theksoi ministri i transportit dhe lidhjeve, Bllagoj Boçvarski. 

 

Pas përfundimit të punimeve ndërtimore, të cilat pritet të ndodhin pas disa muajsh, do të publikohet shpallja edhe për ndarjen e banesave sociale në komunën e Butelit.