Kovaçevski: Propozimet të paraqiten në komision

“Le t’i sjellin lirisht të gjitha propozimet e tyre në Komisionin për Çështje Kushtetuese që do të krijohet në Ministrinë e Drejtësisë dhe aty do të mund të diskutohet. Sepse ne e shohim, fillimisht ishte një modele kroate, tani stema, kështu që qëndrimet në nivel të përditshëm po ndryshojnë atje. Do të shohim deri në fund si do të jetë.”, - deklaroi kryeministri, Dimitar Kovaçevski.

 

 

I menjëhershëm ka qenë reagimi i VMRO-DPMNE-së. Sipas tyre  problem i shtetit nuk është opozita, por kryeministri Kovaçevski, një përsëritës i ngecur në klasën e tretë. 

 

“Do të them sërish se ndryshim të Kushtetutës në këtë përbërje parlamentare nën diktimin bullgar nuk do të ketë. Le t'i dorëzojë në parlament, nëse janë 80 deputetë, unë do të largohem nga politika, ndërsa le të mbetet kryeministër, nëse nuk janë 80 deputetë, atëherë duhet të shkojmë në zgjedhje, sepse politika e tij është mposhtur.”, tha kryetari i VMRO-DPMNE-së, Hristijan Mickovski.

 

Ditë më parë Aleksandar  Spasenovski  për TV-Sitel deklaroi se ndoshta kthimi në debatin për ndryshimin e stemës, aktuale është një nga mënyrat për të mundësuar një diskutim me opozitën. Ndryshe përfshirja e bullgarëve në kushtetutën e Maqedonisë nuk është vetëm kërkesë bullgare, por është pjesë e kornizës negociuese të Maqedonisë me BE-në. Skriningu nga BE-ja zgjat deri në nëntor dhe qeveria shpreson që deri atëherë të mund të bëjë ndryshimet kushtetuese për të nisur menjëherë hapjen e kapitujve në negociatat me Bashkimin Evropian.