Zelensky: Nuk kam marrë informacion nga Shtëpia e Bardhë për rrjedhjet e dokumenteve sekrete

Presidenti Volodymyr Zelenskyy ka thënë se Shtëpia e Bardhë nuk e ka informuar atë për një rrjedhje të dokumenteve sekrete amerikane.

 

Muajin e kaluar, rrjedhja e dokumenteve të inteligjencës amerikane ekspozoi informacione shumë të klasifikuara për luftën në Ukrainë.

 

Dokumentet u shpërndanë në një sërë faqesh të mediave sociale dhe besohet se e kishin origjinën nga një grup privat në Discord.

 

Jack Teixeira, një anëtar 21-vjeçar i Gardës Kombëtare Ajrore të SHBA-së, u arrestua për rrjedhjet.

 

Ministri i mbrojtjes i Ukrainës, Oleksii Reznikov tha se rrjedhjet e dokumenteve të Pentagonit përmbanin një përzierje informacionesh të vërteta dhe të rreme për ushtrinë e vendit të tij dhe minimizuan ndikimin e saj negativ.

 

Duke folur për incidentin në një intervistë me  Washington Post , Zelenskyy tha: “Unë nuk kam marrë informacion nga Shtëpia e Bardhë apo Pentagoni më parë. Kjo është e padobishme për ne. Nuk është e dobishme për reputacionin e Shtëpisë së Bardhë dhe unë besoj se nuk është e dobishme për reputacionin e Shteteve të Bashkuara.”