Dita botërore e lirisë së medias, RMV në vendin e 38-të në indeksin botëror

Në Ditën Botërore të Lirisë së Medias, sindikatat e gazetarëve në vend thanë se të drejtat e gazetarëve nuk respektohen plotësisht.

Sipas tyre sulmet ndaj gazetarëve, ofendimet verbale, poshtërimet nga politikanët, kushtet e pasigurta të punës, situata e keqe socio-ekonomike, janë disa nga sfidat me të cilat përballen punonjësit e mediave.

"Për një pjesë të madhe të kolegëve, vendet e tyre të punës nuk janë të sigurta, ata punojnë me kontrata afatgjate ose kontrata të pjesshme, pa sigurim social dhe pensional.", - deklaroi kryetari i SSNM-së, Pavle Belovski.

"Duhet të pranojmë se liria jonë është ende e kufizuar, sepse tregu i vogël në të cilin ne jetojmë dhe punojmë, lë pak hapësirë për gazetarinë e pavarur, që do të thotë se një pjesë e medias ende mbështetet në interesat politike ose të biznesit.", - theksoi kryetari i ZNM-së, Mladen Chadikovski.

Në disa qytete rrezikohet mbyllja e plotë e mediave lokale, pasi shumica e tyre janë në gjendje katastrofale ekonomike, theksoi gazetari, Mihailov.

“Gjithmonë është dilema e kthimit të atij anëtari të famshëm që është për para të shtetit në media apo për ndonjë fond mediatik. Mendoj se mediave dhe gazetarëve të brendshëm nuk u intereson se në çfarë forme arrijnë, ata vetëm duan të fitojnë mbështetjen e dëshiruar. Nëse shteti nuk do të ketë media lokale, le të vazhdojë kështu. Në këtë mënyrë vetëm se i lë vend portaleve, për të cilat ne e dimë se janë gjeneruesit më të mëdhenj të gjuhës së urrejtjes.”, - theksoi gazetari, Mihailov.

Dita Botërore e Lirisë së Medias në vend u shënua me një aksion dhurimi gjaku dhe një mesazh solidariteti dhe bashkimi. Ndërkohë, Indeksi Botëror i Lirisë së Shtypit, në Ditën Botërore të Lirisë së Shtypit, e radhit Maqedonia e Veriut në vendin e 38-të, ndërsa Mali i Zi në vendin e 39-të janë në grupin e vendeve me gjendje “pak a shumë të mirë” ose të kënaqshme.

Sipas këtij indeksi, Maqedonia e Veriut ka shënuar rritje me 19 vende nga viti i kaluar.

Organizata “Reporterët pa kufi”, në Treguesin Botëror të Lirisë së Shtypit, radhiti Shqipërinë dhe Kosovën në mesin e vendeve problematike.

Nga 180 vende, Shqipëria radhitet në vendin e 96-të, duke shënuar një rritje prej 7 vendesh krahasuar me një vit më parë, derisa Kosova radhitet në vendin e 56-të, një rritje prej 5 vendesh në krahasim me vitin e kaluar.

Serbia, radhitet këtë vit në vendin e 91-të, duke pësuar rënien më të thellë me 12 vende në rajonin që përfshinë Bashkimin Evropian dhe Ballkanin. 

Situata është “shumë e keqe” në 31 vende, “e keqe” në 42 vende, “problematike” në 55 dhe “e mirë” ose “mjaft mirë” në 52 vende. Norvegjia renditet e para për të shtatin vit radhazi, ndërsa tre vendet e fundit, me gjendjen më të keqe të shtypit në botë janë në Azi: Vietnami, Kina dhe Koreja e Veriut. (Fitore Demolli, TVM2)