Trepça fiton ndeshjen e parë të serisë finale ndaj Pejës

Skuadra e Trepçës ka shfrytëzuar përparësinë e terrenit vendas për ta fituar ndeshjen e parë të serisë finale në kuadër të mbiluajtjes ndaj Pejës në Superligën e Kosovës në basketboll. 

Minatorët ndeshjen e parë e fituan, me rezultat 94:86.

Jamel Artis ishte lojtari më i dalluar te Trepça, me 27 pikë të shënuara, i ndjekur nga Ken Broën me 24 pikë dhe Will Daniels me 19 pikë.

Ndërkaq te Peja, Larry Thomas shënoi 23 pikë, ndërsa Devoe Joseph shtoi 16 pikë. Ndeshja e dytë do të zhvillohet në palestrën "Karagaçi" në Pejë dhe pritet të jetë një tjetër përballje e zjarrtë.