Ligjet për korridoret 8 dhe 10-D, Mariçiq: Ka bazë të vendoset flamuri evropian

Propozim-ligjet për korridorin 8 dhe 10-D kanë arritur në Kuvend me yllin evropian. Sipas zëvendëskryeministrit Bojan Mariçiq, nga aspekti politik ka bazë të vendoset flamur evropian në pesë ligjet, lidhur me ndërtimin e korridoreve për të arritur t’i ndërtojmë këto autostrada dhe ta kompletojmë rrjetin trans-evropian të korridoreve në Maqedoninë e Veriut.

“Atë që unë mendoj se duhet t’i themi njëri-tjetrit hapur, ky vendim është marrë për të anashkaluar bllokadën jolegjitime nga e Majta, partia pro-ruse, anti-NATO, anti-BE, e cila do të bëjë gjithçka për të parandaluar korridoret dhe të shkruara në rrjetet evropiane trans-evropiane dhe për një projekt të tillë të realizuar nga kompania amerikane. Ne besojmë se është një bllokadë jolegjitime, të cilën ne në mënyrë legjitime me një instrument në  dispozicion duam ta anashkalojmë dhe për këtë kemi bazë dhe arsyetim politik.”, - deklaroi zëvendëskryeministri për çështje evropiane, Bojan Mariçiq.

Mickoski: Marrëveshja për korridoret e dëmshme për shtetin

Nga ana tjetër, kryetari i VMRO-DPMNE-së opozitare, Hristijan Mickoski kërkon reagim të Delegacionit të BE-së në Shkup dhe ambasadave të huaja ndaj këtij hapi të pushtetit, që ligjet për korridorin 8 dhe 10-D të jenë me flamur evropian. Ai edhe më tej mbetet në qëndrimin se marrëveshja për projektin e korridoreve është e dëmshme për shtetin.

“Ajo që është ndërmarrë nga qeveria si obligim, jo vetëm që e vë Maqedoninë në pozitë të nënshtruar, por edhe krijon problem për tërë dekadën e ardhshme, sepse çmimi që i paraqitet publikut si shifër nga qeveria, do të jetë të paktën 2 herë i rritur. Këtë e përmban kontrata në të cilën ne si version e kemi dhe disa herë në të kaluarën e kemi theksuar se e kemi marrë nga një denoncues dhe deri në këtë moment nga qeveria për të gjitha informacionet që po publikojmë, pjesë të asaj marrëveshjeje, nuk kemi marrë një përgënjeshtrim.”, - theksoi kryetari i VMRO-DPMNE-së, Hristijan Mickovski.

Ndërkohë, Lidhja Demokratike e Pavle Trajanovit u bën thirrje të gjithë deputetëve që të mos votojnë ligjet e propozuara nga Qeveria për ndërtimin e autostradave të korridoreve 8 dhe 10-D, në mënyrë që të parandalohet krimi i përmasave të mëdha. (Ersan Pajaziti, TVM2)