Skandal trukimesh në futbollin spanjoll

Siç raporton “Marca”, klubi i Osasunës ka tentuar të blejë ndeshje në fundin e sezonit të kaluar për të siguruar mbijetesën.

Bëhet fjalë për 1 milion e gjysmë euro, që kupola drejtuese e ekipit nga Navarra i kishte ndarë për të korruptuar lojtarët e skuadrave kundërshtare.

Në total po hetohen katër ndeshje, por jo të gjitha me ndërhyrjen e drejtpërdrejtë të drejtuesve të Osasunas, skuadër e cila synonte mbijetesën por që në fund nuk mundi të qëndronte në Primera Division.